لاہور: پیپلز پارٹی نے آرمی چیف جنرل راحیل شریف کی مدت ملازمت میں توسیع کے لیے پنجاب اسمبلی میں قرارداد جمع کرادی ہے۔
ایکسپریس نیوزکے مطابق پنجاب اسمبلی میں پیپلز پارٹی کے رکن خرم وٹو کی جانب قرارداد جمع کرائی ہے۔ جس میں کہا گیا ہے کہ جنرل راحیل شریف کی خدمات قابل تحسین ہیں، اس لئے قومی مفاد اور ملکی سلامتی کی خاطرجنرل راحیل شریف کی مدت ملازمت میں توسیع کی جائے۔
خرم وٹو نے میڈیا سے بات کرتے ہوئے کہا کہ جنرل راحیل شریف تمام حالات کا دلیری سے مقابلہ کررہےہیں،وقت کا تقاضا ہےکہ راحیل شریف اپنے فیصلے پر دوبارہ غور کریں، ان کی جاب سے جمع کرائی گئی یہ قرارداد آصف علی زرداری کے بیان کی توثیق کےساتھ ساتھ عوام کےدل کی بھی آواز ہے۔
کوئی تبصرے نہیں
ایک تبصرہ شائع کریں